Seksjon arkiv er regional ansvarsinstitusjon for fotobevaring i Vestland, og forvaltar omfattande mengder fotoarkiv etter profesjonelle fotografar, privat personar og verksemder frå regionen. Oppgåvene dine vil primært vere innsamling, ordning og digitalisering av historisk fotomateriale, registrering av foto i fagsystem, handsaming av fotobestillingar og andre førespurnader, samt formidlingsarbeid på fotofeltet i form av føredrag, artikkelskriving for nett, formidling på sosiale media/heimeside mm.
Stillinga som fotograf ligg til fageininga ikkje-offentlege arkiv, og du vil samarbeide nært med fotoarkivaren vår i både det praktiske bevaringsarbeidet og den strategiske utviklinga av fagfeltet i det nye samanslåtte fylket. Det vil bli høve til å forme eigen arbeidsdag, og du vil vere med på å vidareutvikle eit viktig fagfelt i fylket. Du må rekne med noko reiseverksemd i utføring av stillinga.
Du må ha
- Formell fotograf-kompetanse i form av fotografutdanning på bachelor-/høgskulenivå eller fagbrev
- God munnleg og skriftleg framstillingsevne på nynorsk og bokmål
- Praktiske ferdigheiter innan bilethandsamingsverktøy
- Førarkort klasse B
Vi vektlegg
- Praktisk arbeidserfaring innan fotobevaring frå arkiv, bibliotek eller museum
- Kunnskap om eldre fotografiske teknikkar og digitalt skapte foto
- Erfaring med analog fotografering og/eller kunnskap om konserverings-/restaureringsteknikkar
- Interesse for fotohistorie og kulturarv
- Gode kommunikasjons- og samarbeidsevner, flink til å skape engasjement hjå andre
- Sjølvstendig, ryddig og systematisk med stor arbeidskapasitet
Vi tilbyr
Godt fagleg miljø
Løn etter avtale og kvalifikasjonar
Gode forsikrings- og pensjonsordningar
Ingen kommentarer:
Legg inn en kommentar